Трет ден - прошетка околу црквите на Велес

Денес препорачуваме пошетка во јужниот дел на градот. Од левата страна на реката во стариот дел на градот низ тесните улички ќе ја видите црквата Света Богородица (1) и нагоре кон ридот е Свети Спас (2). Долу кон реката е џамијата. Од другата страна на реката се наоѓаат спомен-куќите на Касапови (3), Ј. Х. Џинот (4) и Васил Главинов (5). Во близина на спомен-куќите малку посеверно ви препорачуваме да ја посетите и црквата Свети Пантелејмон (6). Од десната страна на реката, на патот кон Градско, прошетката можете да ја завршите со посета на црквите Света Ана (7), Свети Димитрија (8), Света Петка (9), Свети Никола (10), Света Недела (11), а на мала височинка кон црквата Света Недела се наоѓа Велешкото Кале (12) со прекрасна панорама на Велес.